За Нас

МФФ е фестивал на кратки филмови за автори до 24 години, лоциран во срцето на балканот во Скопје, Македонија. Оваа година започнуваме фестивал во чиј фокус се младите талентирани и перспективни автори од МК, каде на едно место ќе можат да ги видат своите филмови и филмовите на нивните врсници од светот.


Овој фестивал е за првпат самостоен, иако претходно беше дел од тридневната програма на најголемиот средношколски фестивал во Македонија „Три дена култура“, создаден од истите организатори.


На 28 и 29 август во дворот на кинотеката на македонија, во киното „Мирно лето“ ќе имаме 2 убаво исполнети фестивалски вечери со вкупно 20 кратки филмови распоредени во 3 програми: Домашна програма, кратки играни филмови и кратки документарни. Фестивалските вечери ќе ги завршуваме со 2 млади локални бендови. Фестивалот ќе додели една награда за најдобар филм на фестивалот.